DAVAO CITY – Subling gipasabot ni Konsehal Mary Joselle Villafuerte ang kinahanglan himuon sa mga hospital ang ilang obligasyon nga respetuhon ang privacy ug confidentiality sa ilang mga pasyente.
Kini human ang ulahing insidente diin gipagula ang hulagway sa usa ka bata nga namatay tungod sa meningococcemia ug mikatag pa sa social media.
Sumala pa kang Villafuerte nga nadismaya ang ginikanan sa bata human nga gi-post sa social ang picture niini nga walay igong pagtugot.
Gitataw sab opisyal nga adunay balaod ug guidelines diin mandato ang mga doktor ug uban pang hospital staff nga ipabilin ang privacy ug confidentiality ang kaso sa pasyente.
Gipasabot sab ni Villafuerte nga ang Bill of Magna Carta of Patient’s Rights and Obligations Act of 2017 nagpahayag sa mga katungod sa mga pasyente kalakip na ang Right to Privacy ug Confidentiality.
Una ng gipanghimakak sa Brokenshire Hospital nga usa sa ilang mga staff ang nagpagula sa maong hulagway.
Gipasabot ni Villafuerte nga kung mapamatud-an nga ang usa ka doktor ug uban pang medical staff ang mapamatud-an nga maoy nagpagula ug bisan unsa man nga confidential photos o impormasyon sa kaso sa pasyente, mamahimong matangtangan ug lisensiya sa higayon nga ang ginikanan o kabanay moduso ug kaso batok kanila.
