DAVAO CITY – Gihinumdom kagahapong adlawa ang ikatulong anibersaryo sa Roxas Night Market Bombing pinaagi sa usa ka santos nga misa.
Gipangunahan kini ni Archbishop Rommulo Valles sa Tree of Life memorial marker aron nga hinumdumon ang ikatulong anibersaryo sa Roxas night-market bombing, diin anaa sa 15 katao ang namatay samtang kapin 70 ang angol.
Si Atty. Zulieka Lopez, City administrator ang mirepresenta kang Davao City Mayor Sara Duterte-Carpio diin nagpasalamat ang Mayor sa mga pabilin nga naghinumdom sa mga biktima.
Human ang santos nga misa, mihalad ug bulak ingon man nagsindi ug kandila ang mga kabanay sa mga namatay nga biktima ingon man survivors sa Tree of Life memorial marker.
Kalakip sab sa mga mitambong sa misa ang mga miyembro sa National Agencies, Security Units sa pagpanguna ni PSSCC Head MGen Benito De Leon, RD, PRO 11 PBGen Marcelo C Morales ug PCol. Alexander C Tagum CD, DCPO ug daghanan pa nga mitambong aron nga mohalad sa ilang pag-ampo.
