DAVAO CITY – Nakatala ang Philippine Drug Enforcement Agency (PDEA)-Davao ug at least 343 barangay sa Davao Region nga pabiling apektado sa ginadili nga droga.
Sumala pa kang PDEA-Davao Director Antonio Rivera, nga sa Davao Region, gikan sa 1,162 barangay, 624 ang namonitor nga apektado sa illegal drugs.
Sa nahisgutan nga ihap, 281 barangay ang cleared na ug 343 barangay na lamang ang nahibilin. Gikanayong pinakadaghan sa drug-cleared barangay ang nahimutang sa Davao Oriental.
Samtang gitataw sab ni Rivera nga posibleng bakwi-on sab ang deklarasyon sa usa ka barangay sa higayon nga magpadayon pa gihapon ang aktibidad sa illegal nga droga ug kung subli kini nga mosaka.
Gikanayong ang concerned barangay hatagan ug 30 ka adlaw aron nga mohimo ug tukma nga aksiyon.
Dinhi sa dakbayan sa Davao, bugtong duruha ka mga barangay lamang ang gideklara nga drug-cleared.
Gilangkuban kini sa barangay Sirib ug Dacudao sa Calinan District human nga na-comply nila ang parameters nag gipangayo sa board alang sa drug-cleared barangay.
Gitataw sab ni Rivera nga adunay lima pa ka mga barangay sa siyudad ang i-deklara nga drug-clearedsa umaabot nga panahon.
Sa kasamtangan, wala una gibutyag ni Rivera kung unsa kini nga barangay gumikan kay padayon pa nila nga gi-proseso ang mga gikinahanglan nga rekisitos.
