DAVAO CITY – Mihangyo ang Police Regional Office (PRO)-Davao ngadto sa publiko ug kooperasyon pinaagi sa pag-report sa mga binuhatan sa police officers nga gikatakdang i-promotar aron masayran kung nalambigit sa mga hiwing binuhatan.
Gi-awhag ni PRO-Davao director Police Brigadier General Marcelo Morales ang publiko nga mohimo ug background information sa 1,421 Philippine National Police (PNP) personnel nga nag-apply ug promotion gumikan kay ila ng gi-proseso ug nagpadayon karo ang 2nd Semester Calendar Year 2019 Regular Promotion.
Nagpasamat sab kini sa papel sa citizens’ response kini aron nga ilang masiguro nga tanan nga mga aplikante ang angayan sa ilang promosyon.
Mamahimo sumala pa nga ma-share sa publiko ang ilang nasayran o reklamo sa mga pulis nga nalambigit sa illegal nga aktibidad ilabi na sa illegal nga droga.
Gikanayong ang ilang madawat nga report batok sa mga badlungon nga mga pulis ang ilang ipailalom sa validation ug monitoring ilabi na kung adunay igong ebidensiya ug kung mapamatud-an hayan nga dili kini ilakip sa promotion list ug mag-atubang ug administrative sanctions, depende sa kaso o reklamo batok niini.
Gani, mamahimo sumala pa nga motawag ang mga Concerned citizens o mo-text direkta sa Regional Director’ s Hotline Numbers 0998-967-4145, 0933-823-2535, Telephone number (082) 232-8064.
