DAVAO CITY – Nanawagan ang Commission on Elections (Comelec)-Davao ngadto sa Dabawenyos nga balansehon ang satellite registration aron malikayan ang pagdasok ayha pa man ang deadline alang 2020 Barangay ug Sangguniang Kabataan Elections (BSKE) registration.
Kahinumduman nga gisugdan na sa Comelec ang pagdawat ug registration sa mga bag-ong botante ug uban pang voter-related registration isip pagpangandam alang sa mosunod nga eleksiyon sukad sa milabay nga Agosto 1 hangtud na sa Setyembre ning kasamtangan nga tuig.
Sumala pa kang Comelec election officer Jerry Mujal andam sila nga modawat ug bisan unsa man nga transaksiyon sama sa registration, transfer sa registration record, change/correction sa entries, reactivation sa registration record ug daghanan pa.
Gipasabot ni Mujal nga ang satellite registration pinasikad sa Comelec Resolution 10549 diin tumong niini nga masiguro ang partisipasyon sa mga botante kalakip na ang ipahigayon nga massive information ug education campaign.
