-- ADVERTISEMENT --
DAVAO CITY – Gitambagan ni Police Col. Alexander Tagum, director sa Davao City Police Office (DCPO) nga makiglambigit lamang sa ilang buhatan sa higayon nga moreklamo batok kang Police master Sgt. Julius Gutierrez nga nadestino sa Security Patrol Group, kinsa mipatay sa iro pinaagi sa pagdunggab gumikan kay nagsamok-samok sumala pa kini samtang nagdula siya ug madjong.
Gitataw ni Tagum nga wala silay mahimo batok kang Gutierrez kung walay pormal nga kaso nga iduso batok niini.
Nanawagan na lamang ang opisyal sa nanag-iya sa iro nga moadto lamang sa ilang buhatan kung makadesisyon kini nga pasakahan ug reklamo ang nahisgutang police officer.
