DAVAO CITY – Gikanayon ni 701st Brigade Commander Brig. General Manuel Sequitin nga nagpadayon sumala pa ang pagtabang karon sa lokal nga panggamhanan sa Davao Oriental ngadto sa mga kanhi rebelde aron nga makasugod kini sa ilang bag-ong kinabuhi.
Gani nakatapos na matud pa ang ikaduhang batch nga gilangkuban sa 30 ka mga former rebel sa pagpailalom sa training aron matabangan ang mga nahisgutan nga nagbaton ug panginabuhian human ang ilang pagbalik sa sabakan sa kagamhanan.
Gitataw sa opisyal nga pipila sa maong training ang gilangkuban sa carpentry, masonry ug daghanan pang uban diin hatagan sab ang matag usa ug kaugalingon nila nga mga gamit.
Padayon sab nga nanawagan ni Brig. General Manuel Sequitin ngadto sa mga rebelde nga mas maayong motahan sa kagamhanan gumikan kay adunay gigahin nga programa ang gobyerno alang sa mga nahisgutan.
Nasayran nga aduna nay kapin 300 ka mga former rebel ang nakagradwar na sa maong training sulod lamang karong tuiga.
