DAVAO CITY – Migahin ang lokal nga panggamhanan ug kapin P3.2 million alang sa mga biktima sa sunog sa Purok 2 ug 3 sa Isla Verde Barangay 23-C sa milabay nga semana.
Sumala pa kang City Social Services and Development Office (CSSDO) head Maria Luisa Bermudo, kinatibuk-ang P3,205,000 ang gi-alokar alang sa 405 ka mga pamilya.
Kalakip sumala pa sa gipanghatag nga assistance ang food packs ug non-food items.
Dugang sa opisyal nga padayon sumala pa nga imonitor sa ahensiya ang sitwasyon kaabag ang City Disaster and Risk Reduction Management Office (CDDRMO) ug uban pang concerned agencies.
Kahinumduman nga kinatibuk-ang 150 ka mga istraktura ang gilamoy sa kalayo diin gikanayon sa Bureau of Fire Protection (BFP) Davao City Central Fire Station nga nagsugod sa ikaduhang andanas sa pinuy-anan nga gipanag-iyahan sa magti-ayon nga sila si Layla ug King Elasio.
