DAVAO CITY – Gitino ni City Tourism Operation Office (CTOO) head Generose Tecson nga walay dakong epekto sa turismo dinhi sa dakbayan sa Davao ang temporaryo nga pagkansela sa flight sa Davao-Hongkong direct flight kini tungod sa padayon nga lihok protesta ug kagubot sa lugar.
Sa kasamtangan, dyutay lamang sumala pa nga mga taga-Hongkong ang anaa dinhi sa dakbayan ug ayha sumala pa matapos ang kasamtangan nga tuig plano sa ahensiya nga magpahigayon ug road show sa nahisgutan nga nasod.
Gitataw sab ni Tecson nga mas maayo sumala pa nga motamud sa mga pahimangno nga likayan una ang pagbiyahe padulong sa Hongkong aron nga dili mapagan sa nagpadayon nga kagubot.
Kahinumduman nga nagpahigayon sab ug kanselasyon sa mga flights ang tugpahanan sa Hongkong sa milabay nga semana gumikan sa halapad nga lihok protesta.
