DAVAO CITY – Subling nanawagan ang Davao City Tourism Operations Office (CTO) sa ilang pahimangno ngadto sa mga turista nga mobisita dinhi sa siyudad alang sa Kadayawan Festival nga likayan ang makig-transaksiyon sa mga dili lisensiya nga mga travel agencies nga nagtanyag ug tour services on social media.
Tipik lamang kini human nasubay sa licensing unit ug Business Bureau niining milabay nga gabii ang operators sa Princess Adventours atol sa gipahigayon nga gi-inspeksiyon sa ilang pick-up point sa Malvar Street ning siyudad.
Sumala pa kang City Tourism Officer Generose Tecson ang operasyon sa maong kompanya makonsidera nga illegal bisan nga gikanayon sa ilang representante nga gina-proseso na sumala pa ang ilang business permit aron nga makabaligya ug tour packages.
Sa kasamtangan, wala pa nahisgutan tali sa Business Bureau ug City Legal Office kung unsa nga aksiyon ang ilang himuon batok sa tour agency.
Una ng gibutyag ni Tecson nga sagad sa mga online tour operators ang dili rehistrado sa dakbayan ug walay kaugalingon nga opisina hinungdan nga malisdan ang otoridad sa pag-locate sa higayon nga adunay mahitabong emerhensiya.
