DAVAO CITY – Laraw karon sa usa ka miyembro sa consumer group nga iduso ang usa ka local ordinance nga mo-require sa tanan nga mga pampublikong tulonghaan sa dakbayan nga mopalit ug mogamit ug lamesa, lingkuranan ug desks nga gama sa mga recycled single-use plastics.
Sumala pa kang Konsumo-Dabaw former executive director Wenifredo Gorrez nga ang iyang sugyot makatabang sa siyudad ilabi na kampanya aron nga makunhuran ang gidaghanon sa mga plastic ilabi na ang paggamit ug single-use plastics.
Kahinumduman nga suportado ni Konsehal Pilar Braga ang panawagan ni Gorrez hinungdan nga nanawagan kini sa City Council nga hinanaling ipalabang ang single-use plastic banning aron nga masolusyonan ang nagkadaghang basura sa sanitary landfill sa Tugbok ingon man ang pagkabara sa mga kanal ug nagkatag nga basura daplin sa baybayon.
Hinuon gi-angkon ni Konsehal Braga nga madugay pa ang pagpalabang sa maong ordinansa ug kinahanglan e-edukar pa ang publiko aron nga epektibo kini nga mahimo.
