DAVAO CITY – Gibutyag ni Committee on Agriculture head Davao City Councilor Ralph Abella nga moduso siya ug ordinansa alang sa Davao Food Terminal Complex (DFTC) aron nga kini ang bugtong “bagsakan” alang sa mga produkto sa mag-uuma dinhi sa siyudad.
Aron nga madumala pag-ayo ang operasyon sa P1.086 billion food complex nga nahimutang sa Toril district, usa ka executive-legislative agenda meeting ang gikinahanglan aron nga mapalabang ang ordinansa.
Samtang gi-asikaso ang sugyot nga ordinansa, gitataw ni Konsehal Abella nga kinahanglan adunay pag-evaluate sa kapasidad sa mag-uuma ug imonitor ang ilang production volume aron malikayan ang surplus ug kakulangon ug agricultural supplies.
Una ng gibutyag ni City Agriculturists Office head Leo Brian Leuterio nga mitabang sila sa nahisgutang proposed ordinance pinaagi sa paghatag ug listahan sa mga mag-uuma, traders lists, ug daghanan pa.
