DAVAO CITY – Gitambagan ang mga Health offices ilalom sa lokal nga panggamhanan nga balibaran na ang pagdawat ug medisina nga hapit na ma-expired kini aron dili mausik ang resources gikan sa kagamhanan.
Una ng gibutyag ni Dr. Abdullah Dumama Jr., DOH assistant secretary for Visayas and Mindanao, kinahanglan nga siguruhon sa mga health offices nga mahatag gilayon nila ang tanan nga mga tambal sa wala pa ang expiration date niini.
Tipik lamang ang pahayag sa opisyal human nasayran sa gihimong pagpanubay sa Commission of Audit (COA) nga daghanang mga expired nga tambal ug medisina ang nagtapun-og atol sa gihimong ocular inspection sa health units sa City Government of Davao sa tuig 2018.
Gitino sab sa Dumama nga ang DOH dili mohatag ug medisina kung wala kini nahilakip sa procurement plan sa health units.
