DAVAO CITY – Napalabang sa City Council sa unang pagbasa kagahapong adlawa ang Adopt-A-Dog/Cat Ordinance of Davao City. Unod sa maong balaudnon, nga tulo ka adlaw human ang impounding, i-determina sa City Veterinarian’s Office (CVO) ang mga wala na-claim nga mga hayop ibahin-bahin alang sa permanent o temporary adoption sa mga kwalipikado nga tawo o ipahigayon ang euthanasia pinasikad sa balaod.
Kinahanglan sab nga siguruhon sa buhatan nga ang iro o ang iring kinahanglan ba ug rehabilitation, incapable sa rehabilation ug daghanan pa.
Sumala sa Animal Rescue Rehabilitation and Fostering (ARRF) Davao City, usa ka animal welfare advocate adunay 50 ka mga iro ang ma-impund matag adlaw.
Obserbahan sab sumala pa ang mga gipang-impound nga mga hayop sulod sa 10 ka adlaw.
Gitataw sab sa CVO nga bantayan nila ang mga hayop kung infected kini sa rabies infection nga magsugod sa ikatulong adlaw sa impounding ngadto na sa ika-napulo nga adlaw.
Sa mga buot nga mosagop ug iro ingon man iring, kinahanglan nga residente kini sa dakbayan sa Daavo sulod sa unom ka bulan.
Tanan nga mga miyembro sa panimalay kinahanglan nga mopailalom sab sa interview ayha aprubahan ang aplikasyon sa adoption.
