DAVAO CITY – Nagpagula ug pahayag ang organizer sa gipahigayon nga Tri Right Mindanao nga gipangunahan sa Kadayawan Duathlon 2019 sa Villa Josefina Resort Village Toril, Davao City kalabot sa isyu diin usa sa ilang partisipante ang namatay atol sa aktibidad sa milabay nga adlaw.
Kahinumduman nga daling gidala sa balay tambalanan ang negosyante nga si Mario Francisco Marfori II sa Blue Genes Tri 94 team samtang anaa sa iyang first run nga 2.6 kilometers.
Gipili sumala pa niini ang Olympic Distance male 40-44 category.
Sumala kang Race director Stax Savellano, nga samtang anaa sa race ang biktima kalit na lamang kini nga nawad-an ug panimuot.
Dali sumala pa nila kini nga gitabang apan nakabsan kini sa iyang kinabuhi. Ayha nakabsan sa iyang kinabuhi, nagpost pa ang biktima sa iyang social media account nga ang Musaman TriDavnor 2019 mao ang iyang unang triathlon race.
Gitataw sab ni Savellano nga aduna sumala pay stint sa relay si Marfori ayha pagsalmot niini sa kompetisyon sa Musaman ug sa Kadayawan.
