DAVAO CITY – Daghanang pamilya ang nahatagan ug hinabang sa ahensiya sa City Health Office (CHO) partikular na kadtong apektado sa pag-igo sa kusog nga balod nga hatud sa southwest monsoon diin daghanan sa ilang mga panimalay ang mga nangadaut.
Kalakip sa gipanghatag sa CHO sa kapin 70 ka mga pamilya ang treated mosquito nets ingon man bitamina alang sa mga bata.
Pipila sa mga apektadong pamilya ang temporaryo nga nagpabilin karon sa Brgy. 21-C Gym human nga kadaghanan sa ilang panimalay ang totally damage dihang gilabdos sa kusog nga balaod sa milabay nga sabado.
Sumala pa kang Beth Banzon, Tropical and Nutrition Division sa City Health Office (CHO) nga nanghatag sila ug treated mosquito nets sanglit nagpabilin nga taas karon ang kaso dengue ug bitamina aron nga mapabilin nga himsog ang mga kabataan.
Bisan nga aduna silay natala nga gikalintura gikan sa mga bakwit, nagpasalamat si Banzon gumikan kay nag-negatibo kini sa dengue.
Samtang bisitahon sab sa CHO ang uban pang Brgy. Coastal areas sa siyudad nga apektado usab sa kusog nga balod.
