DAVAO CITY – Napulo ka mga repatriated Filipino fishermen gikan sa Manado, Indonesia ang miabot sa Sasa Wharf, sa Panacan, Davao City atol sa gipahigayon nga second leg sa Philippine-Indonesian Coordinated Patrol (Corpat PhilIndo) karong tuiga. Napulo ka mga repatriates ang gikan sa General Santos City.
Gisikop ang mga nahisgutan sa Indonesian authorities human nga illegal nga misulod sa nasod ug illegal nga nanagat sa Indonesia.
Gipagula ang mga nahisgutan pinaagi sa pagpaningkamut sa Department of Foreign Affairs (DFA) ug Philippine Liaison sa Manado, Indonesia.
Gi-welcome ang mga nahisgutan ni Eastern Mindanao Command (Eastmincom) commander Lieutenant General Felimon T. Santos Jr., kaabag sila si Uriel Norman Garibay sa DFA-Mindanao nga sakay sa BRP Emilio Jacinto samtang miabot sa dakbayan.
Gikanayong ang turnover gipahigayon human ang malampuson nga Maritime Law Enforcement Exercise tali sa Pilipinas ug Indonesia ilalom sa Corpat PhilIndo, usa ka tinuig nga coordinated border patrol operations nga tumong ang pagpalambo sa koordinasyon ug relasyon tali sa duruha ka mga nasod.
Ang nahisgutan nga repatriates ang i-turn over sa Department of Social Welfare and Development (DSWD) alang sa processing.
Makadawat sab ang mga nahisgutan ug assistance ayha ibalik ngadto sa ilang mga pamilya.
