DAVAO CITY – Plano karon sa City Council nga iduso ang pagmugna ug Persons with Disability Affairs Office (PDAO).
Sumala pa kang Konsehal Wilberto Al-ag, committee chair for social services sa konseho, napalabang ang mga sugyot atol sa unang pagbasa sa milabay nga sesyon.
Gikanayong ang PDAO, magsilbi nga structural organization, general information ug liaison center sa PWDs, nakiglambigit na ang mga nagkadaiyang Persons with Disability groups ngadto kang konsehal Al-ag aron nag maduso ang maong ordinansa. Gisugyot sa PDAO nga ang maong sugyot ilalom sa direktiba sa City Mayor’s Office.
Gikanayong ang buhatan magpahigayon ug mga plano, programa ug proyekto ingon man aktibidad alang sa PWDS aron nga masiguro ang ilang integridad ug partisipasyon alang sa pagpatuman sa mga polisiya direkta sa mga maapektohan.
Gikanayong ang mga opisyales nga modula sa operasyon sa PDAO ang pili-on sa city mayor kini base sa rekomendasyon nga himuon sa CSSDO ug koordinasyon sa Cooperative Development Authority, non-government organizations, ug people’s organizations.
Ang prayoridad ang ihatag sa mga kwalipikadong PWDs.
Sa kasamtangan ang Association of Differently-Abled Persons (ADAP) nga gidumala ni Redendo Martinez ang mo-caters sa mga panginahanglanon sa PWDs.
