DAVAO CITY-Temporaryo lamang ug dili permanente ang rainbow color nga pedestrian lane nga gihimo sa LGBTQ community sa Agdao disitrict ning dakbayan sa Dabaw.
Kini ang katin-awan nga giliwutan ni Paolo Rodriguez, Sanguniang Kabataan (SK) chairman sa barangay Lapu-Lapu, Agdao ning dakbayan sa Dabaw pakighinabi sa Bombo Radyo.
Gikanayon ni Rodriquez nga ang ilang gihimo nga “Pride Lane” dali lamang ma-papas, ug pagpakita usab kini isip suporta sa pagsualog sa “Pride Month” karong bulana.
Ang “Pride Month” mao sumala pa ang pagsaulog sa LGBTQ community sa naangkong suporta gikan sa kagamhanan aron sumpuon ang mga pagpang-dagmal, pagpanaug-daug ug pagbiay-biay batok sa mga bayot sa katilingban nga ilang nasinatian sa nakalabay nga mga panahon.
Sa pikas bahin naglaum usab si Rodoriquez nga suportahan sa konseho sa syudad ang kamugnaan sa pride lane gumikan kay na-una na kini nga gilusad niadtong milabay nga bulan sa Quezon city ug cebu city.
Subling mipaabot usab si Rodriquez sa iyang pagpangayo ug despensa ngadto sa DPWH XI ug sa CTTMO, ug nagkanayon nga mis-communication ang nahitabo gumikan kaky nagtuo siya nga mitugot na ang CTTMO nga ilang pinturahan ug 7 colors ang pedestrian lane sa nahisgutang dalan.
