Dawat na sa Dep Ed – 11 nga dili dublado ang usbaw sa ilang sweldo

DAVAO CITY  –   Nadawat na sa mga personahe sa Department of Education (Dep Ed) Eleven ang prangka nga pahayag ni Pangulong Rodrigo Duterte nga dili dublado ang pag-usbaw sa ilang sweldo.

Hinoon gipasalig sa kagamhanan nga makatabang ug daku ang usabaw aron nga makalatas sa kalisod ang mga magtutudlo sa Dep Ed.

Sumala sa mga magtutudlo nga mas mayo na lamang nga mousbaw ang ilang suholan, gumikan kay dugay na nila kini nga gipangayo sukad pa nga milingkod sa katungdanan si Pangulong Rodrigo Duterte. 

Dili pa masulti sa Dep Ed Officials kung kanus-a kini mahatag ngadto sa mga personahe sa Dep Ed apan gilauman nga mahatag sa mas madali nga panahon aron nga kasuportahan ang ilang pagsakripisyo.

Alang sa edukasyon sa mga kabataan.