DAVAO CITY – Gitataw sa Davao City Health Office (CHO) nga gumikan sa gikabalak-an nga subling pagtaas sa mga mabiktima sa sakit nga dengue kinahanglan nga subling maghi-usa ang katawhang dakbayan aron nga kapugngan ang pagkaylap sa lamok nga carrier sa sakit nga dengue.
Sumala pa ni Beth Banzon, CHO-Tropical Disease Prevention and Control Division (TDPCD) head nga sa mga panahon nga susama niini kinahanglan nga kanunay nga igmat ug mainampingon ang mga tagbalay alang sa pagseguro nga wala’y breeding group sa nahisgutan nga lamokj sa sulod ug gawas sa ilang balay.
Kung duna nay kalintura kinahanglan dayon nga mag-oresol ug motumar ug tambal sa kalintura nga wala’y aspirin.
Kung padayon ang kalintura kinahangln nga dili na maglangan pa mokonsulta gilayon sa doctor.
Kinahanglan nga dili na hulaton pa nga magka-rushes, ug magkasunggo. Tumong niini nga kalikayan ang pagka-disgrasya sa kinabuhi gumikan sa dengue.
Kahinlo pa gihapon sa kabalayan ug palibot ang mahinongdanon aron nga kapugngan ang pagdaghan sa lamok nga nagdala ug dengue.
