DAVAO CITY – Gibutyag ni Konsehal Mary Joselle Villafuerte nga tun-an pa karon sa City Council ang sugyot ni Davao City Mayor Inday Sara Duterte nga pun-an ug upat ka mga komitiba ang konseho aron nga mapadali ang paghatag ug serbisyo ingon man proyekto ngadto sa mga nanginahanglan.
Una ng gibutyag ni Konsehal Villafuerte nga ang nahisgutan sumala pa nga komite ang gilangkuban sa Commitee on future generation, committee on disaster and climate change, commitee on anti terrorism ug komitiba alang sa Indigenous People (IP).
Samtang sa bahin ni Davao City Vice Mayor Baste Duterte, kinahanglan pa sab nila nga tun-an ang maong sugyot ayha nila kini nga ipatuman.
Sa higayon nga gikinahanglan gayud ang dugang nga mga komite, moduso gilayon sila ug resolusyon aron nga mapatuman kini ug mopili ug mga konsehal nga modumala niini.
