DAVAO CITY – Gipasalig sa Department of Trade and Industry (DTI) 11 nga magpadayon ang ilang pagmonitor sa mga hardware ning siyudad nga nagabaligya ug mga substandard nga steel bar o bakal nga gikonsiderang delikado sa higayon gamiton sa pagtukod ug mga gambalay.
Sumala pa kang Czar Raul Bulaclac, acting division chief Consumer Welfare and trade regulation Division (DTI)-11, nga sa kasamtangan anaa pa lamang sa tulo ka mga hardware dinhi sa siyudad ang ilang na-isyuhan ug notice of violation gumikan sa pagpamaligya ug dili lig-on nga mga produkto.
Hinuon gikanayon ni Bulalac nga sagad sa nahisgutan nga patigayon ang nakiglambigit na kanila aron nga ipasabot ang ilang bahin.
Gibutyag sab sa mga nahisgutan kung si kinsa ang manufacturer sa mga substandard nga mga bakal.
Nanawagan sab ang nahisgutan ngadto sa publiko nga makiglambigit lamang sa ilang buhatan sa higayon nga adunay masayran nga mga tindahan nga nakalapas sa balaod.
