DAVAO CITY – Nanawagan ang mga hingtundan nga ahensiya sa kagamhanan ngadto sa nga motorista nga kanunay motamod sa mga balaod trapiko aron nga makalikay sa disgrasya ug dili madakpan gumikan sa mga kalapasan nga nahimo.
Una ng gibutyag sa Traffic Group nga bisan miubos ang mga nangadakpan karon nga mga motorista, angayan pa gihapon nga pabilin ang disiplina sa mga nahisgutan panahon nga anaa sa kadalanan.
Una ng gibutyag ni Pol/Col Nolan Raquid, hepe sa Davao City Police Office (DCPO) – Traffic Division, nga mukabat sa 104 ka mga violators sa anti-Drunk and Drugged Driving Act of 2013 ang ilang natala; 9,081 ka mga T-O-Ps ang ilang na-isyu sa mga motorista nga wala nagsuot ug helmet, ug 29,723 ang sa Land Transportation and Traffic Code gumikan sa nagkadaiyang kalapasan.
Gitataw sab ni Pol/Col Raquid nga sagad sumala pa sila nga makasikop ug mga indibidwal nga wala nagsuot ug helmet ingon man kadtong diretso nga magpasutoy sa ilang sakyanan ug motor bisan nga pula na ang traffic light.
