DAVAO CITY – Suportado sa Davao City Police Office (DCPO) ang sugyot nga giduso sa City Council nga nagdili sa paggamit ug gadgets samtang nagtabok sa kadalanan sa dakbayan kini aron masiguro ang kaluwasan sa mga pedestrian ug motorista.
Sumala pa kang DCPO director Police Colonel Alexander Tagum ang nahisgutan nga polisiya makatabang aron nga makunhuran ang nahitabong aksidente sa mga kadalanan diin sagad nga malambigit ang mga pedestrians.
Kahinumduman nga komon sa mga Pedestrians nga magsuot ug mga devices o okupado sa pag-text, magtan-aw o magdula gamit ang mobile games samtang magtabok sa mga kadalanannga maoy hinungdan sa aksidente.
Mismo ang bag-ong konsekal sa dakbayan nga si Konsehal Jonard Dayap ang miduso sa maong ordinansa diin kinahanglan nga pahamtangan ug multa ang mga nagsuot ug headphones ug uban pang gadgets samtang magtabok sa kadalanan kini aron masiguro ang kaluwasan tali sa mga pedestrians ug motorista.
