DAVAO CITY – Tutokan sa bag-ong head sa Davao City Investment and Promotion Center (DCIP) nga si April Marie Dayap ang pag-promotar pa sa dakbayan sa Davao aron nga daghanan pang mga investors ang ma-agni nga mamuhonan dinhi sa siyudad.
Sumala pa sa opisyal nga daghanan matud pa nga mga investors ang nagpadayag karon sa ilang interes nga mobubo sa ilang puhonan sa dakbayan human nga naglampuson ang gipahigayon nga Davao Icon nga gitambongan sa mga foreign investors.
Nasayran nga sagad sumala pa nga naka-interes ang mga investors sa pagbubo sa ilang puhunan sa Agrikultura, import ug export, construction ug daghanan pa.
Samtang suportado sab ni Dayap ang sugyot ni Davao city Mayor Inday Sara Duterte-Carpio nga tangtangon na ang dakbayan sa Davao sa gipatuman nga Martial Law sa Mindanao kini tungod mohatud sumala pa kini ug negatibong nga impresyon sa mga investors ilabi na kadtong gikan pa sa langyaw nga dapit.
