DAVAO CITY – Gibutyag ni Pangulong Rodrigo Duterte nga nakasinate sumala pa ug minor glitch ang usa sa mga wiring sa airplane nga iyang gisakyan gikan sa Zamboanga City pabalik dinhi sa dakbayan sa Davao nga maoy hinungdan nga naalarma ang iyang mga close-in guards gikan sa Presidential Security Group (PSG).
Gihisgutan sa pangulo ang maong butang atol sa iyang pagbisita sa haya sa presidential photographer nga Renato B. Lumawag sa Cosmopilitan ning siyudad.
Gitataw sab ni Senator Christopher Lawrence T. Go, nga tinuod ang gibutyag sa Pangulo nga nakasinate ug wiring glitch ang ambyon dihang ila kining gi-check sa monitor.
Hinuon dili sumala pa delikado ang nahisgutan nga suliran.
Kahinumduman nga miadto sa Zamboanga ang Pangulo aron nga pasidunggan ang mga sundalo nga namatay ug naangol sa nahitabong pagpangatake sa gikanayong duruha ka mga suicide bombers sa Army tactical command post sa Indanan, Sulu sa milabay nga semana.
