DAVAO CITY – Dagsa ang mga miduaw sa haya sa Beterano nga Photo Journalist Tatay Rene Lumawag sa Cosmopolitan Funeral Homes sa dalang Camus, ning dakbayan.
Nakabsan sa kinabuhi si Lumawag pasado alas 6:00 kagabii sa hospital human sa duha ka semana nga semana nga pagka-admit niini gumikan sa sakit nga prostate cancer.
Gikanayon sa pamilya nga nangandam pa unta alang sa pagsalmot sa photo exhibit si Lumawag gumikan kay bout niini nga i-display ang iyang mga nakuha nga hulagway.
Gituohan sa anak nga si Skepie nga nakabilin ug maayong legasiya ang ilang amahan sa natad sa pagkuha ug mga maayong hulagway alang sa publiko.
Tuig 2013 nasubay nga dunay prostate cancer si Lumawag, apan niadtong Hunyo 12 lamang siya nadala sa ICU.
Sumala sa iyang anak nga si Melanie Ruth Lumawag nga duha ka semana lamang nga nagpabilin sa hospital si Tatay Rene.
Nahimo sab si Lumawag nga official photographer ni Pangulong Rodrigo Duterte sukad niadtong 1986 hangtud ning tuiga.
