DAVAO CITY – Gi-awhag sa Armed Forces of the Philippines (AFP)–10th Infantry Division (ID) ang mga bag-ong napiling opisyal sa kagamhanan nga tabangan sila sa pagpatuman sa Executive Order (EO) 70 o ang “whole-of-nation approach” aron nga masolusyona ang suliran sa insurhensiya.
Sumala pa kang 10th ID division Public Affairs Office (DPAO) chief Captain Jerry Lamosao nga una ipadayon sa mga bag-ong opisyal ang pagpaningkamot aron nga maangkon kalinaw ug matapos na ang giyera.
Kahinumduman nga sakop sa EO 70 nga gilagdaan ni Pangulong Rodrigo Duterte ang pagmugna ug “National Task Force to End Local Communist Armed Conflict” ingon man pagpanguna sa mga ahensiya sa kagamhanan ug local government units sa pagpatuman sa mga nag-unang serbisyo nga gikinahanglan sa katawhan ilabi na sa mga giilang conflict-affected areas.
Gikanayong ang pagpatuman sa EO 70 dili lamang motapos sa suliran sa insurhensiya apan lakip na sa uban nga socio-economic issues.
