DAVAO CITY – Gisuta na karon sa Bureau of Immigration (BI) Regional Office Eleven nga dunay mga Indonesian Nationals nga nangahimong benepesyaryo sa 4Ps sa Tibanban, Governor Generoso, Davao Oriental.
Sumala pa kang Sittie Rizminh Alonto, Alien Control sa Bureau of Immigration Davao nga nakig-alayon na sila sa lokal nga kagamhanan sa Tibanban aron nga makompirma ang nahisgutan nga report.
Gisubay sab sa Commission On Election kung paunsa mahatagan ug ID ang mga langyaw kung duna kini’y igo nga dokumento.
Una nang namonitor sa ahensya nga dunay mga Indonesian nationals nga nakapakita ug 4Ps ID sa Glan Sarangani Province.
Nag-awhag karon ang ahensya nga i-report gilayon ngadto sa ilang buhatan kung dunay mga Indonesian nationals nga illegal nga nagpuyo sa ilang dapit.
