DAVAO CITY  –  Mibati ug kahiubos ang mga PUJ drivers ug operators sa Catalunan Grande karon nga duna na’y mobiyahe nga High Priority Bus System (HPBS) sa ilang rota. 

Gitataw sa mga natungdan nga maapektohan pag-ayo ang ilang income kung ipatuman na sa hingpit ang High Priority Bus System gumikan kay ma-phase out na ang mga PUJ sa ilang rota ug mabutang na lamang sa mga feeder road. 

Nabalaka sab ang mga pasahero nga dili na sila mahatud sa ilang padulngan gumikan kay sa bus stop na lamang sila manganaug. 

Una na nga gipasalig sa lokal nga kagamhanan nga mohatag sila ug financial assistance sa mga driver ug operator nga ma-phase out ang ilang mga sakyanan. 

Gituohan nga mahingpit ang pagpatuman sa HPBS sa tuig 2022 diin mga city bus na ang mobiyahe sa mga kadalanan sa dakbayan. 

Nasayran nga hinay-hinayon na ug phase out ang mga PUJ sa dakbayan.