DAVAO CITY – Gitataw ni Police Col. Ferlu Silvio, Davao del Norte Provincial Police Office Director nga kinahanglan na nga molihok ang Bangko Sentral ng Pilipinas aron nga matan-aw ang kalihukan sa mga nanglutaw nga 39 ka mga investment firm nga padayon nga naga-engganyo sa mga investor nga mamuhonan ug human ang usa ka bulan halos upat ka gatus ka pilo ang mamahimong tubo niini.
Gi-angkon ni Col. Silvio nga sa kasamtangan andam ang mga police nga hatagan ug seguridad ang mga ahensya nga mao ang moberipika sa pagka-lehitimo sa nahisgutan nga mga investment firm.
Nasayran nga ang uban investment firm migamit pa ug mga produkto bisan kung makita nga dunay mga naga-pay-in ug ang uban nakadawat ug kwarta pinaagi sa pay out nga wala’y nadawat nga mga produkto.
‘Kami sa PNP we are not the right agency na siyang mag-detemina sa negosyo na katulad nito. Dapat seguro Bangko Sentral, ang DTI, FDA to validate the products kung saan ito galing. Ang police handa talagang tumulong anytime sa mga agency.’ Paftin-aw ni Police Col. Ferlu Silvio, Director sa Davao del Norte Provincial Police Office.
