DAVAO CITY – Gitun-an sa lokal nga kagamhanan kung unsa nga desenyo ang mohaum sa pagtukod ug waste water treatment facility sa dakbayan.
Sumala pa kang City Assistant Administrator Trinstan Dwight Dominggo, sa unang quarter sa tuig 2021 gilauman nila nga mahuman ang feasibility study.
Dugang ni Dominggo nga napili nila ang Magsaysay Park isip pilot area sa water waste treatment facility.
Ang pagtuon sa Waste Water Treatment Facility gipangunahan sa Japan International Cooperation Agency (JICA).
Isip kini pagpatuman sa infrastructure modernization for Davao City kung I am for Davao nga baynte siete ka tuig nga plano alang sa dakbayan.
Punterya niini ang pagpahimutang ug unom ka mga Sewerage Treatment Parks sa Davao gamit ang pundo nga mokabat ngadto sa P298.4 bilyones ka pesos.
