DAVAO CITY – Gikalipay sa Department of Education (Dep Ed) Eleven ang pagponsisok sa mga tinun-an sa unang klase sa tuig tigtongha 2019 hangtud 2020.
Sumala pa kang Dep Ed Spokesperson Genelito ‘Dodong’ Attillo nakita nila nga sento porsiento ang attendance sa mga kabataan sa kinder hangtud sa Senior High school sa mga pampublikong tulongha-an.
Gitataw sab ni Atillo nga nasulbad sab nila ang kadaghan sa mga karaan nga mga problema sama sa kakulangon sa lamesa, bangko ug mga libro.
Sa kwentada sa Dep Ed moakbat ngadto sa 1.2 ka milyon ka mga estudyante ang mitungha sa mga pampubliko nga mga tulongha-an, apan natino sa ahensya nga mokabat lamang ngadto sa 75 mil ka mga estudyante ang nadugang sa populasyon sa mga pampublikong tulongha-an.
