DAVAO CITY – Mamahimo na matud pa nga mangatungdanan sa iyang bag-ong tahas ang napili sa Bagobo Klata/Guiangan Tribal Councils nga bag-ong Indigenous People Mandatory Representative (IPMR) sa nagsingabot nga 19th Council sa lokal nga panggamhanan.
Kahinumduman nga gi-anunsiyo na sa mga miyembro sa tribal councils si Datu Demetrio Bolo isip bag-ong IPMR o representante sa mga lumad sa konseho.
Sa kasamtangan, pabilin pa gihapon si Councilor Halila Sudagar isip IPMR representative human ang naka-ong-ong nga reklamo ni Cherry Ann Ortiz-Codilla.
Una ng gibutyag sa NCIP nga gi-asikaso na nila karon ang tanan nga mga dokumento ayha nila kini i-report sa regional office alang sa ebalwasyon ug pag-release sa Certificate of Affirmation (CoA) ni Bolo ayha kini makalingkod sa konseho sa bulan sa Hunyo.
