DAVAO CITY – Andam na ang ipahigayon nga National Private Schools Athletic Association (PRISAA) nga gikatakdang ablihan sa Mayo 19 sa alas kuwatro sa hapon sa University of Mindanao Matina grounds.
Sumala pa kang PRISAA National President Lita Montalban ang lima ka adlaw nga mga dula salmotan sa 7,000 ka mga atleta ug coaches gikan sa 16 ka mga participating regions.
Highlight sa opening ang parada sa matag team ingon man mensahe sa mga nagkadaiyang dignitaries.
Gikanayong imbitado si Mayor Inday Sara Duterte-Carpio nga magsilbing usa sa mga guests kauban si CHED Chairman Dr. Prospero “Popoy” de Vera III, University of Mindanao President Dr. Guillermo “Willie” P. Torres Jr. ug Philippine Sports Commission (PSC) Chairman William “Butch” Ramirez.
Gikanayong ang mga delgado gikan sa 16 ka mga rehiyon ang mag-atbang sa 19 ka mga dula diin kadaghanan niini himuon sa University of Mindanao grounds.
Gawas sa UM, adunay mga dula usab nga himuon sa Rizal Memorial Colleges ug Davao City Recreation Center (Almendras gym) alang sa basketbal ug kasikbit nga Tagum City alang sa swimming ug beach volleyball.
Nasayran nga ang Region XI anaa sa second place ug third sa college level sa milabay nga tuig hinungdan nga dako sumala pa ang tsansa nga makaangkon ug daghanang medalya karong tuiga ang rehiyon sa athletics ug swimming.
