Hugtanon nga mga regulasyon ipatuman sulod sa DCOTT

DAVAO CITY – Mas hugtanon nga mga sumbanan ang gipatuman ngadto sa mga  manindahay sulod sa Davao City Overland Transport Terminal (DCOTT) aron nga masiguro ang seguridad sa mga pasahero ilabi na nga sagad sa mga bomba ang ginabilin lamang sa mga tindahan.

Sumala pa kang DCOTT manager Aisa Yusoph nga dakong tabang ang nahisgutan nga lakang aron nga masiguro nga dili makapahimulos ang mga dautang elemento bisan nga aduna nay mga kapulisan ug kasundalohan nga nagapahigayon ug paghiling sa mga dala nga bagahe sa mga pasahero.

Nasayran sab kang Yusoph nga ubay-ubay na sab karon ang pagdagsa sa mga pasahero sa terminal aron nga mouli sa ilang mga lalawigan aron nga didto moboto.