DAVAO CITY – Problema sa panglawas ang nag-una nga gihimong hinungdan ni Renon Sombilon nganong kalit kining misibog sa iyang kandidatura sa pagka-bise mayor unta sa Sta. Cruz Davao del Sur alang sa taliabot nga eleksiyon karong Mayo 13, 2019.
Sa iyang pag-atubang ngadto sa iyang mga supporters, emosyunal niini nga gibutyag ang iyang plano ug gikatarungan nga dili na niya makaya pa ang pagpadayon sa iyang pagpangampanya gumikan sa tumang kasakit sa iyang likod human madisgrasya sa motor.
Nangayo usab kini ug pasaylo sa iyang mga supporters ilabi na sa Hugpong ng Pagbabago.
Samtang subay niini, gipili sa partido isip hulip kang Sombilon nga modagan sa pagka-bise mayor sa Sta Cruz si Mark Lester Casas – kinsa kandidato sa pikas partido nga PDP Laban ug nasulat na usab ang pangalan niini sa pagka-bise mayor sa mga Almendras sa ilang mga campaign materials.
