DAVAO CITY – Gikatakda na sab nga ipagula sa lokal nga panggamhanan sa dakbayan ang laing hugna sa hinabang nga kantidad sa P7.8 million sa daghanang areas ngfa apektado sa dry spell human nga una ng gi-aprubahan sa City Council ang pagpagula ug P3.4 million nga kantidad sa financial assistance.
Sumala pa kang Alfredo Baloran, chief of the Disaster Risk Reduction Management Office (DRRMO) nga ang ikaduhang tranche sa financial assistance ihatag sa mga probinsiya sa North Cotabato, Iloilo ug Nueva Vizcaya.
Subling manguna ang Philippine Red Cross sa pagtunol sa assistance aron nga malikayan ang bisan unsa man nga kalapasan ilabi na nga panahon karon sa eleksiyon.
Tulo ka mga probinsiya, 20 ka mga munisipalidad ug usa ka siyudad ang direkta nga makabenepisyo sa P7.8 million nga kantidad sa financial assistance.
Matag probinsiya ang makadawat ug P1 million samtang ang mga munisipalidad ang hatagan ug tig-P300,000 samtang ang siyudad makadawat ug PhP400,000. Base sa DRRMO, ang hulaw nakaapekto na dakong sa produksiyon sa high-value crops, poultry, livestock, ingon man supply sa tubig sa siyam ka mga munisipalidad ug usa ka siyudad sa North Cotabato province.
Una ng gibutyag ni Roy Pascua, focal person sa DRRMC ilalom sa Department of Agriculture (DA) 11 nga nagpadayon karon ang gipahigayon nga cloud seeding ug uban pang interventions alang sa mga apektadong mag-uuma.
