DAVAO CITY – Gikanayon ni Department of Education (Deped) Secretary Leonor Briones nga wala sumala pa gikonsidera sa ahensiya ang pagbalhin sa school calendar alang sa elementary ug secondary levels ug gani ang abli sumala pa sa klase sa pampublikong tulonghaan magsugod sa Enero 3.
Sumala pa kang Briones nga ang education curriculum sa nasod dili pa-andam nga bag-ohon ang academic calendar sa bulan sa Agosto alang sa mga pampublikong tulonghaan.
Nagduha-duha sumala pa siya nga ibalhin ang academic year gumikan sa pipila ka mga rason kalakip na niini ang pasilidad sa mga tulonghaan, panglawas sa mga estudyante ug naka-line up nga mga aktibidad sa summer season nga mamahimong makaapekto sa calendar shift.
Mamahimong maapektohan sab sumala sa pagbaylo sa school year ang mga aktibidad sa mga estudyante panahon sa summer sama na lamang sa family bonding ug uban pang personal nga rason. Hinuon gawasnon sumala pa ang mga pribadong tulonghaan nga isibog nila ang pag-abli sa klase o dili.
Kahinumduman nga una ng nagpagula ang Commission on Higher Education (Ched) ug memorandum nga nagrekomenda sa mga State Colleges ug Universities (SUCs) ug Local Colleges ingon man Universities (LCUs) nga isibog ang academic calendar paingon sa bulan sa Agosto.
