DAVAO CITY – Hugot nga gidid-an sa Department of Education (DepEd) ang mga atleta nga mohimo ug mga sidetrips atol sa Palarong Pambansa 2019 aron kalikayan ang unsa man nga mga dili maayong panghitabo.
Gikanayon ni DepEd XI spokesperson Jenielito Atillo walay laing basulon kung dili ang mga delegation head o regional head kung unsa man ang dautang mahitabo ngadto sa mga atleta.
Gitin-aw ni Atillo, gitugutan lamang ang mga atleta nga mosuroy sa higayon nga mahuman na ang ilang tagsa-tagsa ka mga dula, apan kinahanglan nga aduna kini pagtugot sa tanang mga hingtungdan.
Samtang gikanayon usab ni City Assistant Administrator on Operations Lawrence Bantiding, mitagana ang syudad ug duha ka mga bus aron kaksakyan sa mga delegado paingon sa mgma piniling tourist destinations uban ang tulo ka mga tour guides.
Ang nahisgutang mga lugar ang gilangkuban sa Eden Nature Park, Philippine Eagle Centre ug Malagos Chocolate Museum.
Ang nahisgutang bus ang makahimo sa pagbiyahe ug 5 hangtud 8 ka mga delegasyon matag adlaw suhod Abril 28 hangtud sa katapusan nga adlaw sa sporting event.
