DAVAO CITY – Gibutyag sa Department of Agriculture (DA)-Davao, pinaagi sa Agribusiness Division, nga kinahanglan adunay ipatuman nga pagsaka sa ilang annual budget aron nga tabangan ang mga mag-uuma aron nga mamahimong agri-entrepreneurs sa rehiyon.
Sumala pa kang Agribusiness Division chief Janet Dobli nga aduna silay annual budget nga P10 million matag tuig, apan nagsugyot sila nga himuon kini nga P11 million sa 2020 aron mas daghanang aktibidad nga makatabang sa mga mag-uuma ug magbaton ug stable market sa ilang mga produkto.
Gikanayong sakop sa increase ang pag-cover sa bag-ong market infrastructures, dugang strategies, dugang aktibidad nga adunay kalabotan sa enterprise development ug hiring ug bag-ong trabaho alang sa market information ug daghanan pa.
Dugang sa nahisgutan nga gikan sa 600 ka mga indibidwal sa 2018, laraw nila nga makab-ot ang 675 individuals aron nga mamahimong agri-entrepreneurs karong tuiga ilabi na sa market promotion sa ilang produkto locally ug globally.
