Kulang ug pagtuo si Mayor Inday nga dunay mga media nga kalakip sa Oust Duterte plot

DAVAO CITY  –  Kulang ug pagtuo si Davao City Mayor Inday Sara Duterte-Carpio sa katahap sa iyang amahan Pangulong Rodrigo Duterte nga dunay mga media entity nga nahilambigit sa Oust Duterte Plot. 

Sumala kang Mayor Inday Sara bisan kung duna na’y gipagula nga Matrix ang Malacanang sa labot sa tinguha nga pagpalagpot kang Pangulong Duterte wala pa’y igo nga ebedensya labot niini.

Una nang gipahayag ni Pangulong Duterte nga gikan sa intelligence unit sa uban nga nasod ang impormasyon nga dunay padayon nga paningkamot sa pagpalagpot kaniya. 

Ang Matrix unang gika-report sa usa ka pamantalaan nga gikompirma sab ni Presidential Spokesperson Salvador Panelo nga gikan ra sab kang Pangulong Duterte.