DAVAO CITY – Nangandam na sab karon ang Holy Infant Jesus of Prague sa Shrine Hills sa ilang ipatuman nga aktibidad karong semana santa ilabi na nga usa kini sa mga dagsaon sa mga tumutuo.
Dungan niini gibutyag ni City Transport and Traffic Management Office (CTTMO) head Dionisio Abude nga adunay pipila ka mga dalan pasulod sa shrine hills ang temporaryo nga pasirad-an sanglit gamiton kini sa way of the cross.
Sumala kang Abude nga aduna silay gihimo nga traffic plan alang sa shrine hills karong holy week aron nga masiguro nga dili maghuot ang mga sakyanan nga moadto sa simbahan.
Gitino sab ni Abude nga dili mamahimong hinuon nga access road ang dalan sa shrine hills.
Gipahimangnoan sab sa opisyal ang mga motorista nga pasirad-an ang Mars St. sa lugar diin magsugod ang unang station sa way of the cross.
Samtang adlaw nga Biyernes ang tanan nga dalan sa Shrine hills ang igahin alang lamang sa mga tumutuo ug walay tugutan nga mga sakyanan nga molatas.
