DAVAO CITY – Gipasalig sa mga vendor sa Bankerohan Public Market nga pabiling luwas ang ilang mga gipangbaligya nga mga kinhason ug uban pang mga shellfish sa redtide human nga gipatuman sa Bureau of Fisheries and Aquatic Resources (BFAR) 11 ang redtide alert sa Mati Davao Oriental ug sa Sta. Maria sa Davao Occidental.
Kadaghanan sa mga vendors sa bankerohan ang adunay sertipikasyon gikan sa City Veterinarian nga makapamatuod nga luwas ang ilang mga gipangtinda nga mga shellfish hinungdan nga kampante sila sa kaluwasan sa ilang mga konsumante.
Apan mamatikdan karon ang pagsaka sa presyo sa kinhason diin gikan sa P40 ngadto na sa P50 matag kilo nahimo na kining P60 ngadto na sa P80 ang matag kilo.
Rason sa mga vendors nga nihit sumala pa karon ang supply sa mga shellfish.
