Libre nga CR sa DCOTT gilauman nga magamit na

DAVAO CITY – Masaligon ang kadumalahan sa Davao City Overland Transport Terminal (DCOTT) nga magamit na ang mga pampubliko nga CR nga gitrabaho na karon. 

Nanghinaut na lamang si DCOTT General Manager Aisa Yusof nga magamit na sa mga sumasakay ang nahisgutan nga CR sa dili pa ang semana santa. 

Una nang gituohan nga dagsa ang mga pasahero atol sa maong panahon ug makatabang ug daku ang nahisgutn nga CR gumikan kay libre kini nga magamit sa publiko. 

Duna sa’y magamit ang mga PWDs gumikan kay dunay gitaganak nga lawak alang kanila sa nahisgutan nga CR. 

Mokabat ngadto sa dos milyones ka pesos ang gitagana sa kagamhanang dakbayan alang sa nahisgutan nga  pampublikong CR sa DCOTT.