Mga higala Komusta Ug Maayong Buntag!
Ning panahon sa kampanya, dagahan ang mga aehnsya sa gobyerno ang mapugnagn sa pagpagawas ug pondo alang sa mga proyekto kini gumikan sa pag ban sa Commision On Election isip kabahin sa Omnibus Election Code ug Comelec Resolution No. 9585.
Tungod niini, gigid-an ang mga ahensya sa kagamhanan nga magpatuman sa mga proyekto, sama sa mga karsada, pagpagawas ug kwarta nga silbing ayuda sa kabus ug uban pa ug kini muresulta gyud sa pagkalangan hangtod nga mahuman ang panahon sa kampanya.
Usa sa mga naligsan sa Comelec Resolution No. 9585 ang ahensya sa Department of Social Welfare And Development pinaagi sa ilahang programa nga conditional cash assistance ilawom sa Conditional cash transfer o ang mas naila sa kadaghanan nga Pantawid sa Pamilyang Pilipino Program kon 4ps sa mga walang wala natong mga kaigsuonan.
Usa sa mga unod sa resulusyon ang pagdili o pag ban sa pagpagawas sa,Disbursement and Expenditures of Public Funds, nga klaro kaayo ang pondo sa mga benepesyarho ang apektado ug gumikan niini atong lauman nga walay mahatag nga mga ayuda matag bulan o duha ka bulan ang mga pamilya nga ilawom niining prograhama.
Kay gidili man kini sa COMELEC kay sa rason nga malikayan niini nga magamit sa pulitika ilabi na kadtong anaa sa katungdanan nga mga pulitiko nga subling nanagan nga basin mupahimulos sa kahigayunan. Mao man gyud kini ang dakong katuyuan sa commission On election aron makab-ot ang giingong hapsay ug fair election.
Apan ang pangutanan, kinahanglan ba gyud diay nato nga apilon ang tinubdan sa pagkaon sa giingong mga poorest of the poor sa atong nasyon? Dili ba diay mahimong hatagan ug konsiderasyon kining programaha nga tumong lamang ang paghatag ug ayuda aron masulusyunan ang kapubrihon kay daghan ang gipanggutom? Ilabi pa karon nga halapad ang kadaot sa gitawag nga El Nino Phenomenon.
Unsaon man nato ni karon sa pagtabang ang nanginahanglan kung magpabilin kita sa pagban sa pagpagawas sa kwarta nga silbing ayuda sa mga beficiary ilabi na sa $ps..? Karong panahuna, daghan intawon ang natingala kung nanganung hangton karon wala pay ayuda gihapon ang ialahang naangkon.
Samot nga ilaha kining ika konsimisyon Kay sumala pa lage sa DSWD dinhi sa atong rehiyon nga bisan ug walay notice of exemption, gidid-an sila gihapon sa paghatag ug ayuda sa mga benepisiyaryo, nga sa ato pa, walay kasiguruhan nga madwat sa mga nahisgutan ang pinansyal nga tabang sa atong kagamhanan? Dili lang ang mga 4ps beneficiary ang mapektuhan niinilakip na ang kutob sa mahatagan ug cash assistance ilawom sa ilahang prorama ang maapektuhan.
Atong nasabtan nga tumong sa Commision on Election aron malikayan nga mapulitika ang prorama sa atong gobyerno nga basin gamiton kini sa mga mapahimuslanong pulitiko nga anaa sa serbisyo.
Apan ang pangutana, wala ba diay katakos ang gitahasan nga ahensya sa atong gobyerno nga muhatag sa maong serbisyo nga dili magamit sa pulitika ang ilang programa? Ilaha maning trabaho, usapa gidid-an man sila nga mag-apil apil diha sa pulitika.?
Unsa may angayan nga ikabalaka? Kay kung hingpit gyud nga isuspinde ang paghatag sa ayuda piaagi sa CCT sa DSWD, atong gikabalak-an nga dili gyud malikayan nga mapulitika sila ning panhuna, basin pa hinuon ug musamot, ug mudangop na lamang hinuon sa mga pulitiko ang giingong poorest of the poor sa atong nasud karon gumikan kay wla naman silay makaon,, ug sa ingon niina nga sitwasyon pahimuslan ang maong higayon sa mga pulitiko nga naghinamhinam nga maangkon ang ilahang boto aron subli o makalingkod sa pwesto sa atong gobyerno kambyo sa pghatag ug bugas ug delata nga pkapinan pa ug kwarta. ..Ug sa ingon niana maangkon pa kaha ang giignon nga tumong sa Commision on Eletcion ang fair ug honest election? Kung kini dili tugtan sa komisyon, tabla ray gitudluan nato ang mga benepesyaryo nga mangayog ayuda sa mga pulitiko.
Unta ikonsidira sa komisyon ang pagban sa pagpagawas sa pondo sa atong gobyerno kung alang kini sa mga tawo nga nagkinhanglan sa serbisyo ilabi na ang mahitungod sa ayudang pinasyal aron walay magkutoy ang tiyan sa panahon sa bugnong lugaynon.
