Mibuhi og bag-ong banat si Senator Alan Peter Cayetano batok sa pipila ka miyembro sa bag-ong senate majority kini human iyang gi-alegaran nga kuno’y “tuta” sa Malacañang.
Sa iyang speech sa usa ka fellowship niadtong Biyernes, gipanganlan ni Cayetano sila Senate Pro-Tempore Vicente “Tito” Sotto III ug Senator Raffy Tulfo nga kuno’y “tuta ni Pangulong Ferdinand Marcos Jr.
Samtang si senator Erwin Tulfo sab daw usa ka “tuta” ni Lacson tungod sa impormasyon nga gigunitan kuno sa usa ka kanhin nga senador.
Wala sab naka ikyas sa iyang mga pamahayag si Lacson nga gitawag niya isip “aso”.
““Si Lacson? Hindi na po tuta si Lacson, aso na po siya. Matagal na,” dugang pa ni Cayetano, nga ang iyang pasabot sa “aso” kay usa ka tao nga perme gasunod sa mga sugo.
Samtang sa grupo ni Lacson, gisulti niini nga naluoy sila kang Cayetano tungod sa mga pahayag niini.
“Kawawa naman. Kung anu-ano na ang sinasabi. Parang malapit nang bumigay. Sana hindi tuluyang mag-meltdown,” sumala pa ni Lacson.
Samtang, mibuwelta sab si Tito Sotto, sumala pa niya nga di angay nga sayangan ang oras batok sa mga pamahayg ni Cayetano.
“It’s about time na huwag niyo nang patulan ang mala-telenovelang mga ingay na wala namang mararating. Waste of airtime. Let’s move on for the good of the country,” sumala pa ni Sotto.
Kahinumduman nga pipila na ka higayon nga gihibug-atan ni Cayetano nga aduna kuno’y papel ang Malacañang sa nahitabong kabag-ohan sa liderato sa Senado.
Niadton Hunyo 8, gisulti niya nga natunga ang Senado sa duha ka grupo, kon asa usa niini suportado sa Palasyo. Miduso sab siya kaniadto og usa ka “interim administrative arrangement” kauban si Senator Sherwin Gatchalian, apan gipanghimakak kini ni Gatchalian.
Si Gatchalian ang napili isip Senate President Pro Tempore niadtong Hunyo 3 human nagpulong ang mga senador sa kanhing minority bloc. Niadtong Hunyo 17, pormal siya nga milingkod isip bag-ong Senate President, kini gihulipan ni Cayetno.
