DAVAO CITY – Mi-usbaw ug halos tulo ka pilo ang kaso sa dengue sa davao region, dungan usab sa pag-doble sa ihap sa mga nangamatay sa maong sakit atol sa unang tulo ka bulan ning tuig kasamtangan.
Subay sa data gikan sa Department of Health Regional Epidemiology and Surveillance Unit, moabot sa 1,551 ang reported cases sa dengue, uban sa duha ka mga patay sa Davao Region, ang na-record gikan sa Jan. 1 hanngtud March 11, niining tuiga.
Ang duha ka mga namatay ang gikabutyag nga naggikan dinhi sa dkabayan sa dabaw ug sa Davao Oroiental.
Mas taas sumala pa kini kung itandi sa 566 ka kaso, ug usa ang patay sa susamang mga bulan niadtong milabay nga tuig.
Sa 1,551 cases sa region, Davao City ang adunay pinaka-taas ug ihap nga naa sa 644.
Gisundan usab nini sa Compostela Valley – 359 ug Davao Oriental 318 ka kaso.
Sunod ang Davao del Norte – 191 cases. Davao Del Sur 32 cases. Butong seven cases lamang ang gika-report sa Davao Occidental.
Tungod niini, nanawagan si City Health Officer Dr. Josephine Villafuerte sa publiko nga makig-alayon pinaagi sa pagpabiling limpyo sa ilang tagsa-tagsa ka komunidad nga makatabang ug dako aron mapugngan ang dengue-carrying mosquitoes nga modaghan.
Gipaniguro usab ni Villafuerte nga walay dengue outbreak sa syudad gumikan kay padayon ang ilang kampanya alang sa pagpugong ug paglikay sa nahisgutang sakit tibuok tuig.