DAVAO CITY – Daw mikalampag ang mga yanong mga mamumuo karon nga daw mahatagan na ug katumananang usbaw sa pletihan, diin laraw nga himoon nga dies pesos ang minimum nga pletihan.
Si alyas Jojo nga usa ka mason namahayag nga ang matag adlaw niya nga kita sa panarbaho kwatrosentos pesos ug karon posibling mosamparay gyud ang iyang paninapi gumikan sa kataas sa mga nag-unang palaliton ug dugang usbaw sa pletihan.
Bisan ang negosyante nga si Melinda Magno nga dunay kan-anan mibati na sab ug kabalaka sa iyang panginabuhi-an gumikan sa padayon nga pagsaka sa presyo sa mga nag-unang palaliton ug sa posibling pag-usbaw sa pletihan.
Sumala pa niya nga sa baynte kwatro oras nila nga pag-abli mokita sab sila ug singko mil ka pesos, apan anaa sab ang pag-usabaw sa galastohan ug ang mga kustomer bisan singko pesos lamang nga usbaw sa presyo sa baligyang pagk-on mo-untol na.
Wala pa’y labot niini ang mga turko nga abtik maningil sa gipahulam nga puhonan.
Kini sab ang nag-unang hinongdan nga gikakurat bisan sa mga negosyante ang gikahugonhugon nga dies pesos na nga minimum nga pletihan dinhi sa dakbyan.
Nabalaka sila nga mas mosamot sila kalubong sa kalisod sa panginabuhi-an.
